الذي شمع الخيط
—————
معنى_كلمة_شمع_الخيط
ملك اعتقل واحد نصاب ومحتال كثرت الشكاوي عليه… قلو فهمني شلون تنصب عالناس ..قال ياملك ..بخبرتي وذكائي ..قال له بدك تعمل عملية نصب واحتيال أمامي . ..قال النصاب ..ماعندي عدة النصب ..قال للشرطة خذوه يجيب العدة…
جاب معاه بكرة خيط قطن وشمع…
وقال للملك سيدي ..اول خطوة بدي شمع الخيط .. امسوك ياسيدي طرف الخيط .وصار يفل البكرة ويشمع الخيط ..ويرجع ..طلع من مكتب الملك مشي بالصالون ..ويشمع الخيط ، صار برا القصر .. مشي شوي بالشارع ويشمع… بعدو طفش… والملك ماسك الخيط وينتظر ،..سأل الملك وين هذا النصاب… قالوا له… شمع الخيط وهرب. ..ولعب عالملك ..كمان .. ومن هالسالفة صار معنى كلمة شمع الخيط يعني هرب ….
وهيك صار بالشعب السوري ..مثل ماصار بالملك .. ماسك الخيط وينتظر ..
والنصابين وغيرهم شمعوّا الخيط وهربوا …!! #
